Buaiteoirí an Chiste Rannpháirtíochta Sonraí Oscailte 2023/2024

Niall Ó'Brolcháin, OÉG.

An Alice Perry Mapathon 2024 a thugtar ar an tionscadal seo, tionscadal a ceapadh chun faisnéis a bhailiú maidir le Tailte Móna agus Foraoiseacht d’fhonn feabhas a chur ar an éiceachóras Sonraí Oscailte i dtaca le húsáid ábhartha talún agus sonraí aeráide. Tá sé mar aidhm aige faisnéis a sholáthar do lucht déanta beartas chun bithéagsúlacht a fheabhsú agus chun carbón a laghdú. Is iad mic léinn tríú leibhéal agus gairmithe óga go príomha spriocphobal an Mapathon.

Burcin Yazgi Walsh

Oibríonn an tionscadal seo le sonraí oscailte chun físléirithe uathúla gur féidir iad a chur ar taispeáint a chruthú. Is é an príomhsprioc tacar sonraí oscailte a chur i láthair go neamhthraidisiúnta agus na físléirithe a thaispeáint i dtaispeántas ar líne. Baineann an tionscadal sonraí seo úsáid as roinnt athróga socheacnamaíocha ó na sonraí daonáirimh is déanaí agus ó shonraí spásúla a bhaineann le ceantair bheaga chun léiriú teibí de chomharsanachtaí Bhaile Átha Cliath a fhorbairt. Leis na haschuir fhísiúla, spreagfar smaointeoireacht fhísiúil an phobail agus na n-institiúidí a oibríonn le sonraí.

Markus Helfert and Sana Kiran, Ollscoil Mhá Nuad

Baineann an tionscadal taighde seo le tírdhreach casta na ndúshlán cáilíochta sonraí laistigh d’fhoinsí sonraí oscailte, agus béim ar leith á leagan ar réimse na soghluaisteachta cliste (Catalóg Iompair sa tairseach sonraí oscailte). Trí fhíor-anailís uileghabhálach a dhéanamh ar thacar sonraí, tá sé d’aidhm aige léargas a thabhairt ar impleachtaí praiticiúla na ndúshlán cáilíochta sonraí sin. Is é an plean atá acu samhail aibíochta maidir le cáilíocht sonraí oscailte a fhorbairt.

HackTheClimate, beidh an Haiceatón Aeráide seo ar siúl Dé hAoine an 23 Feabhra 2024 in MERITS, An Nás, Co. Chill Dara. Imeacht is ea é atá á reáchtáil ag Foirne Chomhairle Contae Chill Dara (Oifig Aeráide, Nuálaíochta agus Fiontair Áitiúil) i gcomhar le MERITS, Innovation ThinkSpace na Comhairle. Is é an príomhdhúshlán don Haiceatón ná conas is féidir sonraí aeráide a ghabháil ar bhealach a chuireann ar ár gcumas ár bhfeidhmíocht a thomhas maidir lenár spriocanna uaillmhianacha aeráide/dícharbónaithe mar a leagtar amach iad inár bPlean Gníomhaíochta ar son na hAeráide 2024-2029.

Is feidhmchlár é an tionscadal seo ar féidir le gnólachtaí chomh maith le daoine aonair a úsáid chun suíomh a mheas de réir paraiméadair shonracha amhail déimeagrafaic, faisnéis réadmhaoine, áiseanna, cineálacha gnólachtaí agus brandaí. Déanfaidh an tionscadal meascán de shonraí oscailte agus de thacair sonraí tráchtála a ghiaráil agus d’fhéadfadh sé a bheith an-úsáideach do FBManna

Tá sé mar aidhm ag an tionscadal seo seirbhís gréasáin Gnólacht le Tomhaltóir (B2C) a fhorbairt ar a dtugtar “wateralerts.ie” a sholáthróidh foláirimh gheoidhírithe ar thopaicí uisce amhail amanna taoide, airde abhann, foláirimh báistí/tuile, caighdeán uisce snámha agus sonraí foláirimh uisce-théamacha eile.

€5000.00