Polasaí Príobháideachta

BAILIÚ AGUS ÚSÁID FAISNÉISE PEARSANTA

Urramaíonn an Roinn Caiteachais Phoiblí, Bonneagair, Athchóiriúcháin Seirbhíse Poiblí agus Digitiúcháin ar do cheart chun príobháideachais. Pléifear le haon fhaisnéis phearsanta chuireann tú ar fáil, de réir na gcaighdeán is airde slándála agus rúndachta, go docht de réir an RGCS.

Próiseáiltear sonraí pearsanta a chuirtear isteach tríd an suíomh gréasáin seo chun na gcríoch agus de réir na mbonn dlí mar atá leagtha amach sa tábla thíos.

Baineann an ráiteas seo lenár gcleachtais phríobháideachais maidir leis an suíomh gréasáin seo. Tugtar míniú ar roinnt téarmaí teicniúla a úsáidtear sa ráiteas seo ag bun an leathanaigh seo.

FAISNÉIS A BHAILÍMID GO RIALTA

Nuair a thugann tú cuairt ar an suíomh gréasáin seo, gabhtar faisnéis theicniúil áirithe go huathoibríoch mar chuid de ghnáthlogálaithe freastalaí gréasáin. D’fhéadfadh an méid seo a leanas a bheith san áireamh leis sin:

ROINNT SONRAÍ PEARSANTA

Nuair a bhaineann aiseolas nó fiosrú le tacar sonraí ar leith, féadfaidh an Roinn Caiteachais Phoiblí, Bonneagair, Athchóiriúcháin Seirbhíse Poiblí agus Digitiúcháin, le do thoiliú, do theachtaireacht (lena n-áirítear aon sonraí pearsanta a chuir tú isteach) a roinnt leis an gcomhlacht poiblí earnála ábhartha atá freagrach as an tacar sonraí sin, ionas gur féidir leo freagairt go cuí. Feidhmíonn na comhlachtaí poiblí earnála seo mar fhaighteoirí sonraí chun na críche seo agus próiseálfar do shonraí pearsanta de réir fhógra príobháideachais an chomhlachta phoiblí earnála ábhartha.

Seachas foilsiú ábhair a chuireann tú isteach d’aon ghnó san fhóram poiblí, ní nochtann an Roinn Caiteachais Phoiblí, Bonneagair, Athchóiriúcháin Seirbhíse Poiblí agus Digitiúcháin sonraí pearsanta do thríú páirtithe mura mbíonn orthu sin a dhéanamh de réir an dlí. Ní mór d’úsáideoirí gan aon sonraí pearsanta íogaire ná sonraí pearsanta tríú páirtithe a chur san áireamh in aon phostálacha poiblí.

COINNEÁIL SONRAÍ PEARSANTA

Coinnítear sonraí pearsanta (lena n-áirítear aiseolas agus fiosruithe) a chuirtear isteach tríd an suíomh gréasáin seo go dtí nach mbíonn gá leo a thuilleadh chun na gcríoch thuasluaite nó go scriostar iad de réir beartas inmheánach.

DO CHEARTA COSANTA SONRAÍ

Faoin RGCS, tá na cearta seo a leanas agat maidir le do shonraí pearsanta:

• Access to your personal data (Article 15 GDPR). Information on how to make a Subject Access Request in respect of your personal data can be found at this web page.
• Ceartú sonraí pearsanta míchruinne a bhaineann leat (Airteagal 16 – RGCS)
• I gcúinsí áirithe, an ceart go scriosfaí do shonraí pearsanta (Airteagal 17 den RGCS).
• I gcúinsí áirithe, an ceart srian a chur le próiseáil do shonraí pearsanta (Airteagal 18 den RGCS).
• Nuair is ábhartha, an ceart chun iniomparthacht sonraí (Airteagal 20 den RGCS).
• An ceart chun agóid a dhéanamh i gcoinne próiseála a dhéantar faoi Airteagal 6(1)(e)
• An ceart gearán a dhéanamh leis an gCoimisiún um Chosaint Sonraí

Sa chás go bhfuil próiseáil bunaithe ar thoiliú (m.sh., fianáin roghnacha), tá sé de cheart agat do thoiliú a tharraingt siar tráth ar bith; is féidir leat é seo a dhéanamh tríd an gcnaipe ‘Roghanna Fianán’.

BEARTAS PRÍOBHÁIDEACHAIS SONRAÍ OSCAILTE

Foilsíonn comhlachtaí aonair san earnáil phoiblí (“foilsitheoirí”) na tacair sonraí atá nasctha tríd an suíomh Gréasáin seo, agus feidhmíonn gach ceann acu mar an Rialaitheoir Sonraí do na tacair sonraí a chuireann siad ar fáil. Áirítear leis seo an Roinn Caiteachais Phoiblí, Bonneagair, Athchóiriúcháin Seirbhíse Poiblí agus Digitiúcháin i ndáil leis na tacair sonraí a fhoilsíonn sí. Tá ról na Roinne Caiteachais Phoiblí, Bonneagair, Athchóiriúcháin Seirbhíse Poiblí agus Digitiúcháin ar data.gov.ie teoranta go príomha do thairseach náisiúnta na Sonraí Oscailte (data.gov.ie) a oibriú agus a chothabháil mar ardán.

Chun cloí leis an RGCS, ní mór tacair sonraí ina bhfuil sonraí pearsanta a fhoilsiú i bhfoirm chuí anaithnidithe agus chomhiomlánaithe amháin, ionas nach mbeidh sonraí pearsanta aon duine aonair sainaitheanta ná inaitheanta iontu. Tá gach foilsitheoir freagrach go hiomlán as a chinntiú go gcomhlíonann a thacair sonraí an dlí um chosaint sonraí sula bhfoilseofar iad.

Má bhíonn imní ort go gcuirfí sonraí pearsanta de thaisme i tacar sonraí a cuireadh ar fáil tríd an suíomh gréasáin seo, ba cheart duit teagmháil a dhéanamh go díreach le foilsitheoir an tacair sonraí sin. Ba cheart duit an Roinn a chur ar an eolas freisin trí fhoirm teagmhála an tsuímh ghréasáin a úsáid. Nuair a fhaightear fógra, dícheanglóidh an Roinn Caiteachais Phoiblí, Bonneagair, Athchóiriúcháin Seirbhíse Poiblí agus Digitiúcháin an tacar sonraí go sealadach ó data.gov.ie fad is atá treoir nó gníomh ceartaitheach á fháil ón bhfoilsitheoir freagrach.

TUILLEADH FAISNÉISE NÓ CHUN IARRATAS A DHÉANAMH

Má bhíonn aon imní ort faoin gcaoi a bpróiseáiltear do shonraí pearsanta tríd an suíomh gréasáin seo, nó más mian leat do chearta um chosaint sonraí a fheidhmiú, féadfaidh tú teagmháil a dhéanamh le:

Oifigeach Cosanta Sonraí
An Roinn Caiteachais Phoiblí, Bonneagair, Athchóiriúcháin Seirbhíse Poiblí agus Digitiúcháin
Ríomhphost: dataprotection@per.gov.ie

Féadfaidh tú teagmháil a dhéanamh freisin leis an bhFoireann Sonraí Oscailte le haghaidh fiosruithe ginearálta a bhaineann le hoibriú an tsuímh ghréasáin seo ag opendata@per.gov.ie

Conas is féidir leat gearán a dhéanamh

Féadfaidh tú gearán a dhéanamh freisin leis an gCoimisiún um Chosaint Sonraí. Is iad a sonraí teagmhála:

An Coimisiún um Chosaint Sonraí
6 Rae Pheambróg
Baile Átha Cliath 2
D02 X963
Éire
1800 437 737 / (01) 765 0100

Is féidir leat teagmháil a dhéanamh leo go leictreonach trí fhoirmeacha gréasáin ar a suíomh gréasáin

GLUAIS NA DTÉARMAÍ TEICNIÚLA A ÚSÁIDTEAR

BRABHSÁLAÍ GRÉASÁIN

Na bogearraí a úsáideann tú chun leathanaigh ghréasáin a léamh. Is samplaí iad Microsoft Edge, Mozilla Firefox agus Google Chrome.

SEOLADH IP

Na sonraí aitheantais do do ríomhaire (nó ríomhaire do sholáthraí idirlín), léirithe i gcód prótacail idirlín. Tá seoladh IP uathúil ag gach ríomhaire atá ceangailte leis an ngréasán, cé nach mbíonn an seoladh céanna i gcónaí gach uair a dhéantar nasc.